Um Háskólalestina
Um Háskólalestina
Megináhersla Háskólalestarinnar er að kynna vísindi á lifandi og fjölbreyttan hátt fyrir ungu fólki, styðja við starf grunnskóla og efla tengsl HÍ við landsbyggðina. Í áhöfn lestarinnar eru margreyndir kennarar og nemendur við Háskóla Íslands, sem margir hverjir starfa einnig sem leiðbeinendur í Vísindasmiðju HÍ og Háskóla unga fólksins sem hafa notið gríðarlegra vinsælda eins og lestin sjálf. Áhöfn Háskólalestarinnar hefur líka Opið hús í litríkum anda á hverjum stað auk þess að bjóða upp á kennarasmiðjur.
Háskólalestin hefur heimsótt um fjórða tug áfangastaða um allt land við miklar vinsældir. Það er því mikið tilhlökkunarefni að hefja ferðina ár hvert en starf lestarinnar er skipulagt í samstarfi við sveitarfélög og grunnskóla hvers áfangastaðar.
Háskólalestin hefur hlotið Vísindamiðlunarverðlaun Rannís eins og Vísindasmiðjan og Háskóli unga fólksins.
![](/sites/devhaskolalestin.hi.is/files/styles/squared_small/public/2024-04/kri_haskolalestin_220514_004-scaled_1.jpg?h=7eabb7da&itok=_Uo8dYm1 479w, /sites/devhaskolalestin.hi.is/files/styles/squared_medium/public/2024-04/kri_haskolalestin_220514_004-scaled_1.jpg?h=7eabb7da&itok=XiJRFPKp 480w, /sites/devhaskolalestin.hi.is/files/styles/squared_large/public/2024-04/kri_haskolalestin_220514_004-scaled_1.jpg?h=7eabb7da&itok=xix49YGc 768w)
Vísindastuð á opnu húsi
Opið hús Háskólalestarinnar er eins og ætla má – öllum opið. Þar gefst gestum og gangandi færi á að spjalla við fræðafólkið og kynnast undrum vísindanna með gagnvirkum og lifandi hætti.
Í Opna húsinu er lögð áhersla á fjölbreytni og fjör með fræðilegum grunni – vísindin eru í háskerpu.
Opna húsið hefur alltaf verið afar vel sótt og vakið mikla athygli. Fjölskyldur hafa notið dvalið þar, fullar áhuga og öll hafa fundið eitthvað við sitt hæfi.
![](/sites/devhaskolalestin.hi.is/files/styles/squared_small/public/2024-04/47580895_1875875902510895_5944089348726063104_n.jpg?h=a1e1a043&itok=75RoE3xr 479w, /sites/devhaskolalestin.hi.is/files/styles/squared_medium/public/2024-04/47580895_1875875902510895_5944089348726063104_n.jpg?h=a1e1a043&itok=aoj2qv7O 480w, /sites/devhaskolalestin.hi.is/files/styles/squared_large/public/2024-04/47580895_1875875902510895_5944089348726063104_n.jpg?h=a1e1a043&itok=hbDxAN4D 768w)