Háskólalestin býður upp á fjölbreytt úrval námskeiða úr Háskóla unga fólksins, þar sem nemendur í efstu bekkjum grunnskóla geta sökkt sér niður í afar fjölbreytt fræði. Boðið er upp á námskeið af öllum sviðum Háskóla Íslands, félagsvísindum, hugvísindum, menntavísindum, heilbrigðisvísindum, verkfræði, raun- og náttúruvísindum ásamt þverfræðilegum greinum.
Árið 2026 verður meðal annars boðið upp á námskeið sem teygja sig frá heimi gervigreindar og tækni yfir í leyndardóma stjörnufræði og jarðfræði. Þeir sem hafa áhuga á mannslíkamanum og heilsu geta spreytt sig á skurðlækningum, sjúkraþjálfun eða íþrótta- og heilsufræði, á meðan aðrir kynnast japanskri menningu, blaðamennsku eða sjálfbærni í verki. Hvort sem um er að ræða flóknar stærðfræðiþrautir með katapúltum, forritun eða krefjandi eðlisfræði, þá er markmiðið ávallt að vekja forvitni og efla þekkingu.
Háskólalestin sameinar fróðleik og skemmtun á einstakan hátt þar sem vísindin lifna við og ný ævintýri bíða allra þeirra sem taka þátt. Hér fyrir neðan er listi yfir nokkur þeirra námskeiða sem boðið hefur verið upp á í Háskólalestinni, en fræðafólk og framhaldsnemar við Háskóla Íslands hafa umsjón með flestum þeirra.
Risaárekstrar og leitin að lífi í alheiminum
Farið verður yfir þætti í skurðlækningum, bæði almennum skurðlækningum en einnig með áherslu á hjarta- og heilaskurðlækningar.
Viltu fá innsýn inn í líf og störf íþróttafræðings og kynnast hvernig hreyfing og svefn geta haft áhrif á heilsuna?
Hefur þú áhuga á hreyfingu og líkamanum?
Hvernig er hægt að nýta sér gervigreind?
Japönsk menning er um margt sérstök og ímynd landsins er jafnt tengd hátækni og hraða nútímasamfélags sem fornri menningu og hefðum.
Skapandi smiðja sem sameinar föndur og forritun.
Efnafræði fjallar um byggingu og eiginleika hinna ýmsu efna og hvernig efni hvarfast hvert við annað.
Hvað eru fjölmiðlar og hvaða máli skipta þeir? Hvað telst frétt og hvað eru falsfréttir?
Í námskeiðinu leika nemendur sér með alls konar dulmál.
Af hverju fjalla fjölmiðlar svona mikið um stjórnmál? Hvað þýðir eiginlega lýðræði í dag?
Í eðlisfræði Háskólalestar eru meðal annars gerðar allskonar skemmtilegar tilraunir með ljós...
Í námskeiðinu fræðast nemendur um sérstöðu Íslands.
Fornleifafræði getur sagt okkur margt um fortíðina.
Hvað er að hugsa?
Tónvísindasmiðjurnar eru einstök blanda af vísindum, tónlist og sköpun. Byggt er á smáforritum úr tónverki Bjarkar Guðmundsdóttur, Biophilia.
Myndbönd sem ná yfir 360 gráður voru tekin upp um borð í noskra skipinu Barbra.
Í námskeiðinu eru hugmyndir sem breyttu heiminum skoðaðar til þess að koma auga á hvernig það sem okkur þykir sjálfsagt í dag var einu sinni aðeins
Af hverju eru karlar með hærri laun en konur? Af hverju eru færri konur en karlar á þingi?
Í námskeiðinu er skyggnst inn í undraheim hljóðsins: Hvað er hljóð, hvernig virka hljóðfæri og hátalarar og af hverju hljóma hljóðfæri ólíkt?
Í námskeiðinu er fjallað um strauma og stefnur í næringarfræði og fræðin borin saman við tískubylgjur; hvernig getum við vitað hvað skiptir máli?
Vissir þú að uppfinningar og nýsköpun geta orðið til hvar sem er og að það er hægt að læra aðferðir uppfinningamanna?
Stærðfræði er mjög skapandi fræðigrein. Hún byggist á nýjum hugmyndum, lausnarleiðum og verkefnum.
Í námskeiðinu fá nemendur innsýn inn í hvernig fjallað er um loftslagsbreytingar í íslenskum samtímabókmenntum.