Háskólalest Háskóla Íslands staðnæmdist á Bolungarvík dagana 11. og 12. maí 2019, með fræði og fjör fyrir Bolvíkinga og nærsveitamenn. Þar var bæði boðið upp á fjölbreytt og skemmtileg námskeið í grunnskóla bæjarins og vísindaveislu fyrir unga sem aldna í félagsheimilinu á staðnum.
Heimsókn Háskólalestarinnar hófst með því að kennarar lestarinnar tóku að sér kennslu í Grunnskólanum á Bolungarvík föstudaginn 11. maí. Alls var um að ræða um 80 nemendur í 7.-10. bekk sem bauðst að sækja námskeið í
-
Efnafræði
-
Eðlisfræði - ljós og litir
-
Eðilsfræði - rafmagn
-
Forritun
-
Japanska
-
Stjörnufræði
-
Vindmyllusmíði
Hver nemandi valdi sér þrjú námskeið fyrir daginn.
Laugardaginn 12. maí sló áhöfn Háskólalestarinnar svo upp veglegri vísindaveislu í Félagsheimilinu í Bolungarvík frá kl. 12-16 og þangað var fólk á öllum aldri velkomið. Þar var hægt að kynna sér undur vísindanna í gegnum leiki, tæki, tól og tilraunir og aðgangur alveg ókeypis.
Hægt er að skoða myndir af Háskólalestinni á Facebook-síðu hennar.
